ಮೈಕೇಲ್‌ ಫ್ಯಾರಡೆ

 

ಈಗ ಸೌತ್‌ವಾರ್ಕ್‌‌‌ನ ಲಂಡನ್‌ ಬರೋದ ಭಾಗವಾಗಿರುವ ನೆವಿಂಗ್ಟನ್‌ ಬಟ್ಸ್‌ ಎಂಬಲ್ಲಿ ಫ್ಯಾರಡೆ ಜನಿಸಿದ; ಆದರೆ ಈ ಪ್ರದೇಶವು ಅಂದು ಲಂಡನ್‌ ಸೇತುವೆಗೆ ಒಂದು ಮೈಲುಗಳಷ್ಟು ದಕ್ಷಿಣಕ್ಕಿದ್ದ ಸರ್ರೆಯ ಒಂದು ಉಪನಗರದ ಭಾಗವಾಗಿತ್ತು. ಅವನದು ಅಂಥಾ ಸ್ಥಿತವಂತರ ಕುಟುಂಬವಾಗಿರಲಿಲ್ಲ. ಅವನ ತಂದೆಯಾದ ಜೇಮ್ಸ್, ಕ್ರಿಶ್ಚಿಯನ್‌‌ ಧರ್ಮದ ಗ್ಲಾಸ್ಸೈಟ್‌ ಪಂಗಡದ ಓರ್ವ ಸದಸ್ಯನಾಗಿದ್ದ. 1790-1ರ ಚಳಿಗಾಲದ ಅವಧಿಯಲ್ಲಿ ವೆಸ್ಟ್‌ಮಾರ್ಲ್ಯಾಂಡ್‌‌‌ನಲ್ಲಿನ ಔತ್‌ಗಿಲ್‌‌ನಿಂದ ಲಂಡನ್‌ಗೆ ತನ್ನ ಹೆಂಡತಿ ಹಾಗೂ ಇಬ್ಬರು ಮಕ್ಕಳನ್ನು ಜೇಮ್ಸ್‌‌ ಫ್ಯಾರಡೆ ಕಳಿಸಿಕೊಟ್ಟ; ಔತ್‌ಗಿಲ್‌ನಲ್ಲಿ ಓರ್ವ ಹಳ್ಳಿ ಕಮ್ಮಾರನ ಬಳಿ ಆತ ಓರ್ವ ಹೊಸಗಸುಬಿಯಾಗಿ ಕಾರ್ಯನಿರ್ವಹಿಸುತ್ತಿದ್ದ. ಅದೇ ವರ್ಷದ ಶರತ್ಕಾಲದಲ್ಲಿ ಮೈಕೇಲ್‌ ಜನಿಸಿದ. ನಾಲ್ಕು ಮಕ್ಕಳ ಪೈಕಿ ಮೂರನೆಯವನಾಗಿದ್ದ ಚಿಕ್ಕವಯಸ್ಸಿನ ಮೈಕೇಲ್‌ ಫ್ಯಾರಡೆಯು ಕೇವಲ ತಳಹದಿಯ ಶಾಲಾ ಶಿಕ್ಷಣವನ್ನಷ್ಟೇ ಪಡೆದಿದ್ದರಿಂದ, ಸ್ವತಃ ತನಗೆ ತಾನೇ ಕಲಿಯುವುದು ಬಹಳಷ್ಟಿತ್ತು. ಆತ ಹದಿನಾಲ್ಕು ವರ್ಷ ವಯಸ್ಸಿನವನಾಗಿದ್ದಾಗ, ಜಾರ್ಜ್‌ ರೈಬೌ ಎಂಬ ಓರ್ವ ಸ್ಥಳೀಯನ ಬಳಿಯಲ್ಲಿ ಹೊಸಗಸುಬಿಯಾಗಿ ಕೆಲಸಕ್ಕೆ ಸೇರಿಕೊಂಡ. ಜಾರ್ಜ್‌ ರೈಬೌ, ಪುಸ್ತಕಕ್ಕೆ ರಟ್ಟು ಕಟ್ಟುವುದರ ಜೊತೆಗೆ ಪುಸ್ತಕ ವ್ಯಾಪಾರಿಯೂ ಆಗಿದ್ದ. ತನ್ನ ಏಳು-ವರ್ಷಗಳ ಅವಧಿಯ ಶಿಷ್ಯವೃತ್ತಿಯಲ್ಲಿ ಆತ ಐಸಾಕ್‌ ವ್ಯಾಟ್ಸ್‌‌‌‌‌‌ನ ದಿ ಇಂಪ್ರೂವ್‌ಮೆಂಟ್‌ ಆಫ್‌ ದಿ ಮೈಂಡ್‌ ಪುಸ್ತಕವೂ ಸೇರಿದಂತೆ ಅನೇಕ ಪುಸ್ತಕಗಳನ್ನು ಓದಿದ, ಮತ್ತು ಅವು ಒಳಗೊಂಡಿದ್ದ ತತ್ತ್ವಗಳು ಹಾಗೂ ಸಲಹೆಗಳನ್ನು ಉತ್ಸಾಹದಿಂದ ಅಳವಡಿಸಿಕೊಂಡ. ವಿಜ್ಞಾನದಲ್ಲಿ, ಅದರಲ್ಲೂ ವಿಶೇಷವಾಗಿ ವಿದ್ಯುಚ್ಚಕ್ತಿಯ ವಿಷಯದಲ್ಲಿ ಅವನು ಒಂದು ಆಸಕ್ತಿಯನ್ನು ಬೆಳೆಸಿಕೊಂಡ. ನಿರ್ದಿಷ್ಟವಾಗಿ ಹೇಳುವುದಾದರೆ, ಜೇನ್‌ ಮಾರ್ಸೆಟ್‌ ಎಂಬಾತ ಬರೆದಿದ್ದ ಕಾನ್ವರ್ಸೇಷನ್ಸ್‌ ಇನ್‌ ಕೆಮಿಸ್ಟ್ರಿ ಎಂಬ ಪುಸ್ತಕದಿಂದ ಆತ ಅತೀವವಾಗಿ ಪ್ರಭಾವಿತನಾಗಿದ್ದ.

 ಮೈಕೇಲ್‌ ಫ್ಯಾರಡೆ (22 ಸೆಪ್ಟೆಂಬರ್‌‌ 1791 – 25 ಆಗಸ್ಟ್‌ 1867) ಓರ್ವ ಇಂಗ್ಲಿಷ್‌ ರಸಾಯನ ಶಾಸ್ತ್ರಜ್ಞ ಮತ್ತು ಭೌತವಿಜ್ಞಾನಿಯಾಗಿದ್ದು (ಅಥವಾ ಆ ಕಾಲದ ಪರಿಭಾಷೆಯಲ್ಲಿ ಹೇಳುವುದಾದರೆ ಭೌತಶಾಸ್ತ್ರಜ್ಞ ), ವಿದ್ಯುತ್ಕಾಂತತೆ ಹಾಗೂ ವಿದ್ಯುದ್ರಸಾಯನಶಾಸ್ತ್ರ ಕ್ಷೇತ್ರಗಳಿಗೆ ತನ್ನದೇ ಆದ ಕೊಡುಗೆಯನ್ನು ನೀಡಿದ.

ಗೋಪಾಲದಾಸ

 

ಗೋಪಾಲದಾಸರ ಕಾಲ ಕ್ರಿ.ಶ.1721-1763.
ಜೀವನ
ರಾಯಚೂರು ಜಿಲ್ಲೆಯ, ದೇವನದುರ್ಗ ತಾಲೂಕಿನ, ಮಸರುಕಲ್ಲು ಗೋಪಾಲದಾಸರ ಜನ್ಮಸ್ಥಳ. ತಂದೆ ಮುರಾರಿ ಮತ್ತು ತಾಯಿ ವೆಂಕಮ್ಮನವರು. ಇವರು ದಾಸಕೂಟಕ್ಕೆ ಸೇರಿದ್ದು ಕೃಷಿಕರಾಗಿದ್ದರು. ಪೂರ್ವಾಶ್ರಮದ ಹೆಸರು ಭಾಗಣ್ಣ. ವಿಜಯದಾಸರು ಗೋಪಾಲದಾಸರಿಗೆ ಗುರುಗಳಾಗಿದ್ದರೆಂದು ತಿಳಿದುಬಂದಿದೆ. ಗೃಹಸ್ಥಾಶ್ರಮ ಸ್ವೀಕರಿಸಲಿಲ್ಲ.
ಕೃತಿಗಳು
 ಗೋಪಾಲ ವಿಠಲ ಎಂಬುದು ಗೋಪಾಲದಾಸರ ಅಂಕಿತವಾಗಿದೆ. ಇದಕ್ಕೂ ಮೊದಲು ವೆಂಕಟಕೃಷ್ಣ ಎನ್ನುವ ಅಂಕಿತದಲ್ಲಿ ಹಲವಾರು ಕೃತಿಗಳನ್ನು ರಚಿಸಿರಬಹುದೆಂಬ ಉಲ್ಲೇಖಗಳಿದ್ದರೂ ಸ್ವಷ್ಟ ಆಧಾರಗಳಿಲ್ಲ. ಈವರೆಗೆ ಲಭ್ಯವಾಗಿರುವ ಗೋಪಾಲದಾಸರ ಸಂಖ್ಯೆ 183.

ಎಂ.ಮರಿಯಪ್ಪಭಟ್ಟ

ಎಂ.ಮರಿಯಪ್ಪಭಟ್ಟ ಅವರು 1906ರಂದು ದಕ್ಷಿಣ ಜಿಲ್ಲೆಯ ಪುತ್ತೂರು ತಾಲೂಕಿನ ಕಬಕ ಗ್ರಾಮದವರು.ಬಹುಭಾಷ ವಿದ್ವಾಂಸರಾದ ಅವರು ದ್ರಾವಿಡ ಭಾಷೆಗಳನ್ನು ತುಲನಾತ್ಮಕ ಅಧ್ಯಯನ ಮಾಡುವುದರೊಂದಿಗೆ ನಿಘಂಟು ರಚನೆಯಲ್ಲಿ ಅನುಪಮ ಸೇವೆ ಗೈದವರು.ಮದ್ರಾಸು ವಿಶ್ವವಿದ್ಯಾನಿಲಯದಲ್ಲಿ ಕನ್ನಡ ಪ್ರಾಧ್ಯಾಪಕರಾಗಿ ದುಡಿದರು.1980ರಲ್ಲಿ ಮರಣ ಹೊಂದರು.

ಕೃತಿಗಳು

ತುಳು-ಇಂಗ್ಲಿಷ್ ನಿಘಂಟು
ಅಭಿನವಮಂಗರಾಜನ ನಿಘಂಟು
ಜಾತಕತಿಲಕಂ
ಛಂದಸ್ಸಾರ
ಕನ್ನಡ ಸಾಹಿತ್ಯ ಚರಿತ್ರೆ
ಕನ್ನಡ ಸಂಸ್ಕೃತಿ

ಪ್ರಸಸ್ತಿ

ಕರ್ನಾಟಕ ಸರ್ಕಾರದ ಪುರಸ್ಕಾರ
ಸಾಹಿತ್ಯ ಅಕಾಡೆಮಿ ಪ್ರಸಸ್ತಿ